Eftirlit og eftirfylgd með börnum í fóstri

Sigur ráðgjöf aðstoðar barnaverndarþjónustur við framkvæmd, skráningu og eftirfylgd eftirlitsheimsókna á fósturheimili

Barnaverndarþjónusta sem ráðstafar barni í fóstur ber ábyrgð á að fylgjast með aðbúnaði og líðan barnsins og því að fósturráðstöfunin nái tilgangi sínum. Samkvæmt barnaverndarlögum skal heimsækja fósturheimili eins oft og ástæða þykir til, þó að lágmarki tvisvar á fyrsta ári ráðstöfunar og árlega eftir það. Jafnframt þarf að tryggja reglulegt samband við barnið og veita því raunverulegt tækifæri til að tjá sig um aðbúnað sinn og líðan.

Eftirlitsheimsóknir á fósturheimili fyrir barnaverndarþjónustur

Sigur ráðgjöf getur aðstoðað barnaverndarþjónustur við að sinna þessari eftirfylgd með skipulögðum og faglegum hætti. Þjónustan er útfærð í samráði við viðkomandi barnaverndarþjónustu og innan þess umboðs og verklags sem hún ákveður.

Þjónustan getur meðal annars falist í:

• undirbúningi og framkvæmd heimsókna á fósturheimili,

• viðtölum við barn með hliðsjón af aldri þess og þroska,

• samtölum við fósturforeldra um líðan barnsins og framkvæmd fósturs,

• athugun á aðbúnaði, samskiptum og stuðningsþörf,

• skráningu heimsókna samkvæmt samræmdu verklagi,

• samantekt á helstu niðurstöðum og atriðum sem þarfnast eftirfylgdar,

• tillögum að næstu skrefum fyrir ábyrgðaraðila málsins,

• yfirferð og skipulagningu eftirlits í eldri fósturmálum.

Markmiðið er að styðja barnaverndarþjónustur við að tryggja reglubundið, barnmiðað og rekjanlegt eftirlit. Sérstök áhersla er lögð á að sjónarmið barnsins komi skýrt fram og að skráning endurspegli hvað var kannað, við hverja var rætt og hvaða eftirfylgd er talin nauðsynleg.

Þjónustan getur hentað þegar tímabundinn skortur er á starfsfólki, þegar vinna þarf upp eftirlitsheimsóknir eða þegar óskað er eftir utanaðkomandi fagmanni til að sinna afmörkuðum hluta verkefnisins.

Hafðu samband

Óska má eftir þjónustu vegna einstakra fósturmála eða tímabundins verkefnis fyrir barnaverndarþjónustu. Umfang, verkaskipting, skráning og skil gagna eru ákveðin sérstaklega í samráði við verkkaupa.

Hafðu samband hér að neðan til að ræða fyrirkomulag og áætlað umfang verkefnisins.